ກອງ​ປະຊຸມ​ປະຈຳ​ໄຕ​ມາດ​ທຳອິດຂອງ ປີ 2022 ​ໄດ້​ຈັດ​ຂຶ້ນ​ໃນ​ວັນ​ທີ 2 ມິຖຸນາ 2022 ທີ່​ໂຮງແຮມ​ອາ​ມາ​ຣີ, ເມືອງ​ວັງ​ວຽງ, ​ແຂວງ​ວຽງ​ຈັນ, ໂດຍການເປັນປະທານຮ່ວມຂອງ ທ່ານ ດຣ.ສິດທິຣົດ ຣາຊະພົນ, ຫົວໜ້າສະຖາບັນຄົ້ນຄວ້າ ວິໄຈ ການພັດທະນາ, ທ່ານ ອູ່ສະຫວັນ ທ່ຽງເທບວົງສາ, ຫົວໜ້າສະຖາບັນຄົ້ນຄວ້າ ນະໂຍບາຍເສດຖະກິດ ສັງຄົມ ແລະ ທ່ານ ວັດທະນາ ອັດຕະນາພອນ, ຜູ້ຈັດການໂຄງການ ຕາງໜ້າຈາກ ສະຫະພາບເອີລົບ. ກອງ​ປະ​ຊຸມ​ໄດ້​ມີ​ການ​ເຂົ້າ​ຮ່ວມ​ໂດຍ​ສະ​ມາ​ຊິກ​ຂອງ​ຫນ່ວຍ​ງານ​ວິ​ເຄາະ​ຂໍ້​ມູນ​ແລະ​ນະ​ໂຍ​ບາຍ​. ຈຸດປະສົງ​ຕົ້ນຕໍ​ຂອງ​ກອງ​ປະຊຸມ​ແມ່ນ​ເພື່ອ​ລາຍ​ງານ​ການຈັດ​ຕັ້ງ​ປະຕິບັດກິດຈະກຳໃນ 2 ​ໄຕ​ມາດ​ທຳ​ອິດ​ຂອງ​ປີ 2022, ​ແລະ ​ສະຫຼຸບບັນດາ​ຜົນສຳ​ເລັດ, ສິ່ງທ້າທາຍ ​ແລະ ບົດຮຽນ​ທີ່​ຖອດຖອນໄດ້. ກອງປະຊຸມຍັງໄດ້ສະເໜີ ແລະ ເຫັນດີເປັນເອກະພາບຕໍ່ທິດທາງແຜນການຈັດຕັ້ງປະຕິບັດກິດຈະກຳໃນຕໍ່ໜ້າຂອງທັງສອງໜ່ວຍງານ ພ້ອມທັງປຶກສາຫາລືການກະກຽມການຈັດຕັ້ງປະຕິບັດໂຄງການໃນໄລຍະທີ II.