ກອງປະຊຸມປະຈຳໄຕມາດທີ 4 ປະຈຳປີ 2022 ໄດ້ຈັດຂຶ້ນໃນວັນທີ 20 ທັນວາ 2022 ທີ່ຫ້ອງປະຊຸມ ຂອງສະຖາບັນເສດຖະກິດເເລະສັງຄົມແຫ່ງຊາດ , ໂດຍການເປັນປະທານຮ່ວມຂອງທ່ານນາງ ສີສົມບູນ ອຸນຸວົງ, ຫົວໜ້າກົມຮ່ວມມືສາກົນ, ກະຊວງແຜນການ ແລະ ການລົງທຶນ, ທ່ານ ວັດທະນາ ອາດຕະນາພອນ, ຜູ້ຈັດການໂຄງການ, ຕາງໜ້າໃຫ້ສະຫະພາບເອີຣົບປະຈຳ ສປປ ລາວ ແລະ ທ່ານ ນາງ ເຈນເນເກ ບລູມເບີກ ຕາງໜ້າອົງການ UNICEF ປະຈຳ ສປປ ລາວ. ກອງປະຊຸມດັ່ງກ່າວມີບັນດາສະມາຊິກຂອງໜ່ວຍງານວິເຄາະນະໂຍບາຍ ແລະ ຂໍ້ມູນເຂົ້າຮ່ວມຢ່າງພ້ອມພຽງ. ຈຸດປະສົງຫຼັກຂອງກອງປະຊຸມໃນເທື່ອນີ້ແມ່ນເພື່ອລາຍງານການຈັດຕັ້ງປະຕິບັດ 2 ໄຕມາດສຸດທ້າຍຂອງປີ 2022 ແລະ ນຳສະເຫນີຜົນສຳເລັດທີ່ສຳຄັນ, ສິ່ງທ້າທາຍ, ບົດຮຽນທີ່ຖອດຖອນໄດ້ ແລະ ແຜນການເຄື່ອນໄຫວວຽກງານໃນໄຕມາດທີ 1 ຂອງປີ 2023. ກອງປະຊຸມຍັງໄດ້ຮັບຟັງການນຳສະເໜີຜົນການຄົ້ນຄວ້າຈາກໜ່ວຍງານວິເຄາະນະໂຍບາຍອີກດ້ວຍ.
ການປະເມີນຄວາມອາດສາມາດໃນຂັ້ນເເຂວງ (ພາກເໜືອ)
ເພື່ອສືບຕໍ່ການປະເມີນຄວາມອາດສາມາດຂອງພາກສ່ວນກ່ຽວຂ້ອງ...