ກອງປະຊຸມຝຶກອົບຮົມຄັ້ງທີ່ 4 ພາຍໃຕ້ຫົວຂໍ້ “ຄວາມເຂົ້າໃຈ ເຄື່ອງມືການວິເຄາະນະໂຍບາຍພາກທີ 3” ຂອງໜ່ວຍງານວິເຄາະນະໂຍບາຍໄດ້ຈັດຂຶ້ນຢູ່ທີ່ເມືອງວັງວຽງ ແຂວງວຽງຈັນ ເລີ່ມແຕ່ວັນທີ 21 – 24 ພະຈິກ 2023. ກອງປະຊຸມຄັ້ງນີ້ ເປັນການສືບຕໍ່ຈາກການຝຶກອົບຮົມແບບເຂັ້ມຄັ້ງທີ 3 “ວິທີການດຳເນີນການວິເຄາະນະໂຍບາຍພາກທີ II.”
ຈຸດປະສົງຫຼັກຂອງການຝຶກອົບຮົມໃນຄັ້ງນີ້ແມ່ນເພື່ອສ້າງໃຫ້ຜູ້ເຂົ້າຮ່ວມມີຄວາມສາມາດໃນການສ້າງທາງເລືອກທາງດ້ານນະໂຍບາຍ ແລະ ສະໜອງເຄື່ອງມືຕ່າງໆໃຫ້ເຂົາເຈົ້າໃນການສ້າງ ເເລະ ພັດທະນານະໂຍບາຍດ້ານຕ່າງໆ. ການຝຶກອົບຮົມແມ່ນປະກອບດ້ວຍການກວດກາຄືນເຕັກນິກການກຳນົດບັນຫາ, ການຄົ້ນຄວ້າວິທີການປະເມີນ, ການວາງແຜນງານ ແລະ ສະພາບການທີ່ກ່ຽວຂ້ອງ, ການວັດແທກ ແລະ ປະເມີນຜົນແລະອື່ນໆ.
