ກິດຈະກຳຂອງພວກເຮົາ

ຝຶກອົບຮົມ Intensive training IV ປະຈຳປີ 2021

16 ພະຈິກ 2021

ໂດຍສືບຕໍ່ຈາກການຝຶກອົບຮົມ Intensive training III ໃນເດືອນກັນຍາທີ່ຜ່ານມາ, ໜ່ວຍງານວິເຄາະຂໍ້ມູນໄດ້ຈັດການຝຶກອົບ ຮົມຄັ້ງທີ 4 ຂຶ້ນຢ່າງເປັນທາງການເປັນເວລາສີ່ວັນຕິດຕໍ່ກັນ (ວັນທີ 16 ຫາ 19 ພະຈິກ 2021) ເຊິ່ງການຝຶກອົບຮົມຄັ້ງທີ 4 ແມ່ນຈະເນັ້ນໃສ່ການວິເຄາະຂໍ້ມູນຂັ້ຂສູງໂດຍການເຮັດວຽກກັບຂໍ້ມູນຕົວຈິງແລະການສ້າງບົດລາຍງານຂອງຜົນການຄົ້ນຄວ້າ ແລະ ນຳສະເໜີຜົນຂອງການວິເຄາະຂອງຕົນເອງ ເຊິ່ງຜູ້ເຂົ້າຮ່ວມໄດ້ຖືກເເບ່ງອອກເປັນກຸ່ມແລະເຮັດບົດວິເຄາະຈາກຫົວຂໍ້ຄົ້ນຄວ້າຂອງຕົນເອງໂດຍນຳໃຊ້ບົດຮຽນທີ່ຮຽນມາເເຕ່ການຝຶກອົບຮົມຄັ້ງທີ 1 ຫາຄັ້ງທີ 4 ແລະໃນຕອນທ້າຍຂອງການຝຶກອົບຮົມແມ່ນໄດ້ນຳສະເໜີບົດຂອງຕົນເອງຂອງແຕ່ລະກຸ່ມ. ວັດຖຸປະສົງຫຼັກຂອງການ ຝຶກອົບຮົມໃນຄັ້ງນີ້ແມ່ນເພື່ອຍົກລະດັບຄວາມອາດສາມາດຂອງພະນັກງານລັດຖະກອນຈາກຂະແໜງການທີ່ກ່ຽວຂ້ອງເປັນຕົ້ນແມ່ນ: ສູນສະຕິຖິແຫ່ງຊາດ, ຂະແໜງກະສິກຳ, ຂະແໜງການສຶກສາ, ສະຖາບັນຄົ້ນຄວ້າເສດຖະກິດແຫ່ງຊາດ ແລະ ສູນຄົ້ນຄວ້ານະໂຍບາຍການພັດທະນາ, ກຜທ. ເຊິ່ງການຝຶກອົບຮົມດັ່ງກ່າວແມ່ນຈັດຂຶ້ນ ຢູ່ທີ່ໂຮງແຮມເດີ ທາດຫຼວງດໍ ນະຄອນຫຼວງວຽງຈັນ.

 46 total views


ກອງປະຊຸມເຜີຍແຜ່ຜົນການຄົ້ນຄວ້າຂອງໂຄງການ NIPN ສຳລັບນັກຄົ້ນຄວ້າ, ອາຈານ ແລະ ນັກສຶກສາ

2 ກັນຍາ 2021

ໃນມື້ນີ້ ທ່ານນາງ ສີສົມບູນ ອຸນາວົງ, ຫົວໜ້າກົມຮ່ວມມືສາກົນ, ກະຊວງແຜນການ ແລະ ການລົງທຶນ ທັງເປັນ ຫົວໜ້າຄະນະກອງເລຂາຂອງໂຄງການ NIPN, ພ້ອມດ້ວຍ ທ່ານ ເວັງຊອງ ເວຍ, ຫົວໜ້າຝ່າຍຮ່ວມມື ຂອງ ສະຫະພາບເອີຣົບ ປະຈໍາ ສປປ ລາວ ແລະ ທ່ານນາງ ດຣ. ເພຍ ເຣເບນໂຣ ບຣິໂຕ, ຜູ້ຕາງໜ້າອົງການ ຢູນິເຊັບ ປະຈໍາ ສປປ ລາວ, ໄດ້ໃຫ້ກຽດເຂົ້າຮ່ວມເປັນປະທານເປີດກອງປະຊຸມເຜີຍແຜ່ຜົນການຄົ້ນຄວ້າ ພາຍໃຕ້ໂຄງການຖານຂໍ້ມູນຂ່າວສານແຫ່ງຊາດດ້ານໂພຊະນາການ (NIPN) ຊຶ່ງມີຈຸດປະສົງເພື່ອແລກປ່ຽນຂໍ້ມູນຫຼ້າສຸດດ້ານໂພຊະນາການ ເພື່ອສະໜັບສະໜູນວຽກງານຄົ້ນຄວ້າ ແລະ ວິຊາການ ທີ່ກ່ຽວຂ້ອງກັບວຽກງານໂພຊະນາການໃນທົ່ວປະເທດ ເເລະ ເພື່ອນໍາສະເໜີກະດານຂ່າວອອນລາຍ ແລະ ຖານຂໍ້ມູນຂ່າວສານແຫ່ງຊາດດ້ານໂພຊະນາການ ໃຫ້ແກ່ບັນດາຂະແໜງການພາກລັດຕ່າງໆທີ່ກ່ຽວຂ້ອງ.

ກອງປະຊຸມດັ່ງກ່າວເເມ່ນເຂົ້າຮ່ວມໂດຍ ຄະນະບໍດີ, ນັກວິຊາການ ຈາກ ມະຫາວິທະຍາໄລແຫ່ງຊາດ ຂອງ ສປປ ລາວ ແລະ ມະຫາວິທະຍາໄລ ວິທະຍາສາດສຸຂະພາບ ຂອງ ສປປ ລາວ ແລະ ບັນດານັກຄົ້ນຄວ້າ ຈາກ ສະຖາບັນສາທາລະນະສຸກສາດແລະການແພດເຂດຮ້ອນ ສປປ ລາວ ເເລະ ຍັງເຂົ້າຮ່ວມໂດຍບັນດານັກສຶກສາຈາກສະຖາບັນຕ່າງໆຜ່ານທາງອອນລາຍ.

 48 total views


ກອງປະຊຸມເຜີຍແຜ່ປະຈຳປີ ຄັ້ງທີ 2 ຂອງໂຄງການ NIPN

ກຸມພາ 2021,

ກອງປະຊຸມເຜີຍແຜ່ປະ ຈຳ ປີຄັ້ງທີ 2 ຂອງໂຄງການ NIPN ໄດ້ຈັດຂຶ້ນຢ່າງປະສົບຜົນ ສຳ ເລັດໃນວັນທີ 10 ກຸມພາ 2021 ທີ່ນະຄອນຫຼວງວຽງຈັນ. ກອງປະຊຸມດັ່ງກ່າວໄດ້ມີຜູ້ເຂົ້າຮ່ວມປະມານ 300 ກວ່າຄົນທີ່ເປັນຕົວແທນໃນລະດັບຊາດແລະຂັ້ນແຂວງລວມທັງຄູ່ຮ່ວມພັດທະນາ. ກອງປະຊຸມດັ່ງກ່າວນີ້ໄດ້ສະແດງໃຫ້ເຫັນບັນດາຜົນງານທີ່ໂດດເດັ່ນຂອງ ໂຄງການ NIPN ນັບຕັ້ງແຕ່ເລີ່ມການຈັດຕັ້ງປະຕິບັດ. ນອກຈາກນີ້, ກອງປະຊຸມດັ່ງກ່າວຍັງໃຫ້ກຽດເປັນປະທານໂດຍ ພະນະທ່ານ ປອ ກິແກ້ວ ຈັຮທະບູຣີ, ຮອງລັດຖະມົນຕີ ກະຊວງແຜນການ ແລະການລົງທຶນ ແລະປະທານຄະນະ ກຳ ມະການຊີ້ນຳຂອງໂຄງການ NIPN; ທ່ານ Ina Marčiulionytė, ເອກອັກຄະລັດຖະທູດອີຢູປະ ຈຳ ສປປລາວ ແລະທ່ານ ດຣ Pia Rebello Britto, ຜູ້ຕາງ ໜ້າ ອົງການ UNICEF ປະ ຈຳ ສປປລາວ. ອີກໜຶ່ງຈຸດສຳຄັນຂອງກອງປະຊຸມດັ່ງກ່າວແມ່ນພິທີການເປີດການນຳໃຊ້ເວັບໄຊ ກະດານຂ່າວອອນໄລ໌ ແລະຖານຂໍ້ມູນໂພຊະນາການແຫ່ງຊາດຢ່າງເປັນທາງການ.

 47 total views


  ກິດຈະກຳໃໝ່ໃນປີ 2022

  • ເຜີຍເເຜ່ຜົນການຄົ້ນຄວ້າໃຫ້ແກ່ມະຫາວິທະຍາໄລ
  • ວັນທີ: 13 ພຶດສະພາ 2022

     140 total views

    ----------------------------
  • ກອງປະຊຸມປະຈຳໄຕມາດ
  • ວັນທີ: 22 ພຶດສະພາ 2022

     154 total views

    ----------------------------
  • ຝຶກອົບຮົມຮ່ວມກັບຂະເເໜງການ
  • ວັນທີ: 25 ກໍລະກົດ 2022

     129 total views

    ----------------------------